ተሓድሶ ኦርቶዶክስ ቤት-ክርስትያን ኤርትራ

ናይ ኤርትራ ኦርቶዶክስ ተዋህዶ ቤት-ክርስትያን ተሓድሶ ከም ዘድሊያ ኣዝዩ ብሩህ እዩ። ይኹን እምበር ክሳብ ሕጂ ናይ ተሓድሶ መራሕቲ ክትረክብ ወይ ክትፈጥር ኣይክኣለትን።

እቶም ናይ ቅሽነት ወይ ክህነት መዓርግ ዝተቀበሉ መብዛሕቲኦም ናብ ‘ሃገርዊ ኣገልግሎት’ ከይከዱ ወይ ከይግፈፉ ኢሎም እዮም ተቐቢሎሞ። ከም ውጽኢቱ ድማ ኣዝዮም ብብልሽውና ዝተቆማጥዑ ስለዝኾኑ ንተሓድሶ ብጣዕሚ እዮም ዝቃወምዎ። እንተኾነ ግን ጥንቁልና፡ ድብትርና፡ መወዳእታ ዘይብሉ በዓላት፡ ዘይየድሊዩ ምስልታት… ወዘተ፡ ካብ ኦርቶዶክስ ተዋህዶ ቤት-ክርስቲያን ተፋሒቆም ከእለዩ ይግባእ። እዚ ክኸውን ግን መጀመርያ ኣብ ኤርትራ ዘሎ ኣሸብሪ ጉጅለ፡ ህ.ግ.ደ.ፍ፡ ካብ ኤርትራ ክጠፍእ ኣለዎ። ህ.ግ.ደ.ፍ እንዳ ሃለወ ኦርቶዶክስ ተዋህዶ ቤት-ክርስትያን ኤርትራ ክትጥዒ ኣይትኽእልን እያ።